AI hisoblash quvvatini ijaraga beruvchi yangi kuch Nscale sentyabr oyida AQShda IPO o'tkazishi mumkin! 2-chorakda daromad 1 milliard dollardan oshdi, 51 milliard dollarlik shartnomalarga ega, qiymati 25 milliard dollarni mo'ljallayapti

Zhitong Moliya APP xabariga ko‘ra, voqeadan xabardor bo‘lgan shaxslarning aytishicha, sentabr oyida AQSHda birinchi marta ommaviy aksiyalar taklifi (IPO)ni amalga oshirishi kutilayotgan Buyuk Britaniyaning sun’iy intellekt (AI) va hisoblash kompaniyasi Nscale potensial investorlar oldida o‘z biznesining o‘sish jarayonini taqdim etmoqda. Voqeadan xabardor shaxslar ta'kidlashicha, Nscale boshqaruvi kompaniya daromadi 2026 yilning ikkinchi choragida 1 milliard AQSh dollaridan oshganini bildirgan. Taqqoslash uchun, kompaniyaning 2026 yil birinchi choragidagi daromadi taxminan 37 million AQSh dollarini, 2025 yilgi umumiy daromadi esa 33 million AQSh dollarini tashkil qilgan. Bundan tashqari, kompaniya jami tuzilgan shartnomalardan taxminan 51 milliard AQSh dollarilik daromadga ega ekanini bildirgan.

Voqeadan xabardor shaxslarning ma'lumotiga ko‘ra, Nscale ehtimoliy IPO uchun Goldman Sachs va J. P. Morgan bilan hamkorlik qilib, tayyorgarlik ko‘rmoqda. Hozirda bu bo‘yicha muzokaralar davom etmoqda, biroq kompaniya rejasini kechiktirishi ham mumkin. Xabarlarga ko‘ra, investitsion banklar ilgari kompaniyani 25 milliard AQSh dollariga baholagan, bu Nscale joriy yil mart oyida mablag‘ yig‘ish vaqtidagi 14,6 milliard AQSh dollarlik bahodan yuqori.

Hozirda Nscale Norvegiya, G‘arbiy Virjiniya va boshqa manzillarda ma’lumot markazlari qurmoqda. Ma’lum qilinishicha, kompaniya AI hisoblash markazlari uchun yana 10 gigavatt (GW) quvvat qo‘shmoqda. Avvalroq, kompaniyaning faol hamda shartnoma imzolangan elektr quvvati 831 megavatt (MW) ni tashkil etgan edi.

2026 yilning ikkinchi choragiga kelib, Nscale chiplar miqyosini tezlik bilan kengaytirmoqda. Hozirda kompaniyada taxminan 25 000 ta faollashgan chip va 289 000 ga yaqin ishlatilayotgan yoki shartnomasi imzolangan chiplar mavjud. Voqeadan xabardor manbaga ko‘ra, hozirda foydalanilayotgan chiplarning asosiy qismi NVIDIA (NVDA.US) Blackwell seriyasiga tegishli. Kompaniya bundan tashqari 194 000 ta NVIDIA Vera Rubin GPU sotib olish bo‘yicha ham shartnoma tuzgan.

Nscale biznes faoliyatini faqat hisoblash quvvatini oshirish bilan cheklab qolmagan. Kompaniya iyul oyida 1,65 milliard AQSh dollariga dasturiy ta'minot yaratadigan Anyscale startapini sotib olishga rozilik bildirgan, bu esa mijozlarning AI hisoblash manbalaridan samarali foydalanishini ta’minlashga qaratilgan xarakatdir.

Kelgusi CoreWeave

Nscale’ning umumiy biznes logikasi, ko‘pincha “NVIDIA farzandi” deb ataladigan bulutli AI hisoblash quvvatini ijaraga beruvchi gigant CoreWeave (CRWV.US)ga qiyoslanishi mumkin. Mazkur kompaniyaning AQSH fond bozoridagi qiymati (payshanba kuni holatiga ko‘ra) 46,3 milliard AQSh dollariga yetdi. Garchi Nscale hali ommaga chiqmagan bo‘lsa-da, investorlar allaqachon bu yangi “AI hisoblash ijarasi yetkazib beruvchisi”dan “yangi CoreWeave” bo‘ladi deb kutishmoqda.

Nscale 2024 yilda bir kriptovalyuta mayninig kompaniyasidan ajralib chiqib, “New Cloud” (yangi bulut, neoclouds) AI hisoblash quvvatini bulutda ijaraga berish bozoriga kirdi va bu orqali professional AI hisoblash quvvatiga yoki keng infratuzilmasiga ehtiyoji bor kompaniyalarga jismoniy yoki bulutli AI hisoblash infratuzilmasini ijaraga olish imkoniyatini taqdim etdi.

Nscale ikkita asosiy daromad turiga ega. Birinchisi bu — “Uzoq muddatli/zaxiradagi hisoblash quvvati va infratuzilma xizmatlari shartnomalari”: mijozlar “aniq quvvat” uchun pul to‘laydi (masalan, “butun klaster” yoki “AI GPU hisoblash klasteri” real yetkazib berish yoki uzoq muddatli ijara asosida), birgalikda texnik xizmat, yuqori unumli tarmoq, saqlash uskunalari, bulutli xostinglar va boshqa xizmatlar ham qo‘shiladi. Nscale Microsoft kompaniyasi bilan ko‘p yillik jismoniy AI hisoblash infratuzilmasi xizmatlari yetkazib berish bo‘yicha hamkorligini rasman e’lon qilgan (masalan, 2026 yilning birinchi choragidan boshlab Portugaliyada taxminan 12 600 dona NVIDIA GB300AI GPU hisoblash uskunasini yetkazib berish va Microsoftga kengaytirilgan AI infratuzilma xizmatlarini ko‘rsatish kabi). Ikkinchi daromad turi esa – “talabga binoan hisob-kitob qilinadigan bulutli AI hisoblash ijarasi/uzoq muddatli eksklyuziv foydalanish daromadi: Public Cloud / Serverless inference / Fine-tuning kabi mahsulotlar odatda real vaqt sarfi, tahlil so‘rovlari, kenglik, yuqori unumli saqlash uskunalari va boshqalar bo‘yicha hisoblanadi.

Ma’lum bo‘lishicha, Microsoft Portugaliyada 10 milliard AQSh dollari mablag‘ evaziga ma’lumot markazi qurmoqda va Nscale hamda mahalliy portugaliyalik sherik bilan birgalikda loyiha ustida ishlamoqda. Xuddi shuningdek, Microsoft Norvegiya va Buyuk Britaniyada yanada kengroq AI hisoblash quvvatini Nscaledan ijaraga olishni rejalashtirmoqda.

Microsoft bilan yana birga, Nscale NVIDIA kompaniyasiga ham tayanadi. NVIDIA bilan Nscale orasida “investitsiya + biznes hamkorligi”ning ikki tomonlama chuqur aloqasi mavjud. Bundan tashqari, Nscale OpenAI bilan Yevropadagi yirik AI infratuzilma loyihalarida ham hamkorlik qiladi. Bu “yirik texnoloyi gigantlar” bilan hamkorlik, uning “AI GPU bulutli hisoblash infratuzilmasi platformasi” sifatida bozor o‘rnini mustahkamlashga yordam beradi.

Global AI hisoblash quvvatiga bo‘lgan talab tez sur’atlarda oshayotgan bir paytda, investorlar Nscale CoreWeave IPOsidan keyingi o‘sish tarixini takrorlash-qayta oladimi yo‘qmi, shu savollar bilan qiziqishyapti. Biroq investorlarning qiziqishidan tashqari, Nscale hali ham quyidagi muammolar bilan to‘qnash kelmoqda: hisoblash quvvatini ijaraga berishdan olinadigan foyda davomiyligi, mijozlardan etarli naqd pul oqimi olinish imkoni, ma’lumot markazlarining kengayishidagi energiya bilan bog‘liq asosiy cheklovlar, shuningdek, CoreWeave, Lambda, Crusoe kabi raqobatchilarning bosimi - bular ham investorlarning e’tibor markazida bo‘lib qolmoqda.