Neft narxining 100 dollardan oshishi yil oxiridagi bayram mavsumiga qadar aviabilet narxlarining ko'tarilishiga olib kelishi mumkin.

Neft narxi bir barrel uchun 100 dollardan oshgach, aviachiptalar narxi uzoqroq davr yuqori darajada qolishi kutilmoqda, bu esa Rojdestvo bayrami ta’tilida chipta narxlari pasayishini kutgan sayohatchilarni umidsizlantiradi. Tahlilchilarning ta’kidlashicha, so’nggi paytlarda neft narxining keskin oshishi aviayoqilg’i xarajatlarini ko’paytirib, aviakompaniyalar xarajat bosimini uzaytirishi mumkin. Brent xom nefti narxi payshanba kuni bir barrel uchun 102 dollardan oshib, 22-maydan beri eng yuqori ko’rsatkichga chiqdi. Bank of America Osiyo-Tinch okeani transport tadqiqotlari bo‘limi rahbari Nathan Gee shunday dedi: “Mazkur aviayoqilg’i narxi oshishi, ehtimol, oldindan belgilangan tariflar yil oxirigacha, bayram mavsumigacha yuqori bo‘lishini anglatadi.” Biroq hozircha xarajatlarning oshishi sayohatchilarning uchish istagiga ta’sir ko‘rsatgani yo‘q, dunyo bo‘ylab aviakompaniyalar so‘nggi vaqtlarda yuqori talab haqida xabar bermoqda, Cathay Pacific o‘tgan oyda talab barqaror yuqoriligini ma’lum qilgan edi. Biroq Alton Aviation Consultancy kompaniyasining boshqaruvchi direktori Jeffrey Goh shunday dedi: “Bu holat doimiy bo‘lib qoladi, degani emas: agar neft narxi o‘sishda davom etsa, sayohatga bo‘lgan talab, oxir-oqibat, muqarrar tarzda pasayadi — xarajatlarni iste’molchilarga cheksiz uzatib bo‘lmaydi. Arzon chipta topsangiz, darhol harakat qiling.”