Stablecoinlar X’ning kontent monetizatsiya tizimining bir qismiga aylanishi mumkin

X jamoasi kontent yaratuvchilarni mukofotlash uchun stablecoinlardan foydalanish bo‘yicha muzokaralar olib bormoqda. CoinDesk hisobotiga ko‘ra, kompaniya bu borada maslahatlar olib borayotgan va royalti to‘lovlari uchun stablecoinlardan foydalanishning turli usullarini ko‘rib chiqmoqda.

Ko‘rib chiqilayotgan aktivlardan biri bu Circle’ning USDC’si. Stablecoinlardan foydalanish X ga kontent yaratuvchilarga an’anaviy to‘lov infratuzilmasiga to‘liq tayanmagan holda, xalqaro transchegaraviy to‘lovlar amalga oshirishga imkon beradi.

X ning royalti dasturi foydalanuvchilarni asl kontent — o‘z g‘oyalari, ekspert tahlillari, jurnalistika, ijodiy ishlar va sharhlari uchun mukofotlashga mo‘ljallangan. Kompaniya yangi tizim uchun yakuniy to‘lov strukturasi yoki ishga tushirish vaqti haqida hali rasmiy ravishda e’lon qilmagan.

Stablecoin to‘lovlari bo‘yicha muzokaralar aynan X o‘zining kontent monetizatsiya tizimini tubdan o‘zgartirayotgan vaqtda olib borilmoqda. Platforma uzoq vaqt ishlagan Revenue Sharing dasturini bosqichma-bosqich to‘xtatib, yaratuvchilarni yangi Original Content Rewards Program’ga o‘tkazmoqda.

Stablecoinlar Elon Musk kompaniyalari uchun birinchi to‘lov tajribasi bo‘lmaydi. SpaceX allaqachon Starlink mijozlaridan stablecoinlar yordamida transchegaraviy to‘lovlarni qabul qilmoqda. Ijtimoiy tarmoqni sotib olib, uni qayta brendlashdan so‘ng, Musk X ga kriptovalyuta qo‘llab-quvvatlovi qo‘shilishini aytgan edi. Shuningdek, u tizim boshidanoq raqamli aktivlarni keyinchalik integratsiya qilish uchun yaratilganini bildirgan.