Tether ən böyük ilkin maliyyə auditini tamamladı

Dünyanın bazar kapitalizasiyasına görə ən böyük stabilkoini olan USDT-nin emissiyası ilə məşğul olan Tether, Tether International S.A. de C.V.-nin 2025-ci il maliyyə ilinə aid maliyyə hesabatlarının tam müstəqil auditindən uğurla keçdiyini elan etdi. Audit Böyük Dördlük audit şirkətlərindən biri olan KPMG U.S. tərəfindən aparıldı və şərtsiz audit rəyi verildi.

Audit ABŞ-ın peşəkar standartlarına uyğun olaraq həyata keçirilib və aşağıdakıları əhatə edib:

• maliyyə hesabatları;
• əməliyyatlar;
• daxili sistemlər;
• sənədləşmə;
• aktivlərin mülkiyyət strukturu;
• ehtiyatların dəyərləndirilməsi;
• qarşı tərəf haqqında məlumatlar;
• dəsəkləyici sənədlər.

KPMG balans hesabatını, gəlir hesabatını, pul vəsaitlərinin hərəkəti hesabatını, kapitaldakı dəyişikliklər hesabatını, buraxılmış tokenləri təmin edən aktivləri və şirkətin öhdəliklərini nəzərdən keçirdi.

Audit həmçinin Tether-in qızıl ehtiyatlarının fiziki yoxlanışını əhatə etdi. KPMG auditorları şirkətə məxsus olan hər bir qızıl külçəsini şəxsən saydı və yoxladı, onların varlığını və fərqləndirici xüsusiyyətlərini təsdiqlədi və yalnız saxlayıcılar tərəfindən təqdim olunan sənədlərə əsaslanmadılar.

Auditor yoxlamasına əsasən, 31 dekabr 2025-ci il tarixinə Tether-in ehtiyatlarının dəyəri şirkətin öhdəliklərini 6,814 milyard dollar üstələmişdir. Maliyyə Direktoru Simon McWilliams bildirib ki, audit nəticələri şirkətin buraxdığı tokenlər üçün əvvəlki dövrlərdə təqdim etdiyi rüblük ehtiyat hesabatlarının dəqiqliyini təsdiq edib.

Baş icraçı direktor Paolo Ardoino bildirib ki, auditin başa çatdırılması həm Tether, həm də stabilkoin bazarı üçün əhəmiyyətli bir mərhələdir. Onun sözlərinə görə, audit illərlə davam edən və Tether-ə tam audit aparıla bilməyəcəyi barədə olan iddiaları təkzib etdi və sənayedə şəffaflıq üçün yeni bir meyar müəyyənləşdirdi.

Bundan əvvəl, Tether 2026-cı ilin ikinci rübü üçün maliyyə nəticələrini açıqlamışdı.